අමලීන් පවුලට අයත් MAS Holdings සමූහ ව්යාපාරයේ තුල්හිරියේ MAS ෆැබ්රික් පාර්ක් හි පිහිටා ඇති MAS Kreeda Methliya ඊයේ (19) සිට වසා දැමීමට එම ආයතන බලධාරීන් කටයුතු කර තිබේ.
ඇමරිකානු ජනාධිපති ඩොනල්ඩ් ට්රම්ප් විසින් අපනයන භාණ්ඩ සඳහා පනවන ලද බදු ප්රතිශතයත් සමග ඇණවුම් නොලැබීම හේතුවෙන් එම ආයතනය මෙසේ වසා දැමීමට කටයුතු කර ඇතැයි පැවසේ.
අදාළ ශාඛාවේ නිෂ්පාදනය කරනු ලබන ඇඟලුම් යුරෝපා සහ ඇමරිකානු රටවල් වෙත අපනයනය කළ අතර ඉහළ ගිය බදු ප්රතිශතය හේතුවෙන් ඇණවුම් ලබාදුන් ආයතනයන්හි වියදම වැඩිවීමත්, ඇණවුම් අඩුවීමත් හේතුවෙන් ඔවුන් මේ තීන්දුව ගෙන ඇතැයි පැවසේ.
එම ශාඛාව වසා දමන අවස්ථාව වන විට එහි සේවකයන් එක්දහස් හාරසියයක් (1400) සේවය කරමින් සිට ඇති අතර ඉන් පිරිසක් එම ඇඟලුම් ආයතනයේ වෙනත් ශාඛා වෙත යොමුකර තිබේ.
එමෙන්ම තවත් පිරිසක් වෙත රජයේ අනුමත වන්දි මුදලට වැඩි වන්දි මුදලක් ලබාදීමට පාලනාධිකාරිය පියවරගෙන ඇත.
එහි සේවය කළ අදාළ සේවකයන්ට මාස තුනක වැටුප් සහ අප්රේල් මස ප්රසාද දීමනාව ගෙවීමට ද එම පාලානාධිකාරිය සැලැසුම් කර ඇති බව පැවසේ.
මෙම ඇඟලුම් ආයතනයේ ශාඛා තිහක් පමණ දිවයින පුරා පවතී.
එමෙන්ම ඉන්දියාව, බංග්ලාදේශය, ඉන්දුනීසියාව සහ ජෝර්දාන් වැනි රටවලද එහි ශාඛා පවතින බැවින් වසා දැමූ ශාඛාවේ සේවය කළ සේවකයන්ගේ කැමැත්ත පරිදි ඒවා වෙත යොමුකිරීමට කටයුතු යොදා ඇතැයි පැවසේ.
එසේම මෙසේ වසා දැමූ ජාත්යන්තර කීර්තියට පත් මෙම ආයතනය ඉන්දියාවේ ස්ථාපිත කිරීමට සැලැසුමක් ඇතැයි ද මේ අතර වාර්තා වේ.
MAS Holdings ට අයත් කර්මාන්ත ශාලා 38ක් ශ්රී ලංකාව තුළ පවතින අතර විදෙස් රටවලද ඇතුළුව එම සමාගමට අයත් කර්මාන්ත ශාලා ප්රමාණය 53ක් බැව් පැවසේ.
ඇඟළුම් අපනයනයෙන් ශ්රී ලංකාවට වාර්ෂිකව ලැබෙන සමස්ත ආදායම වන ඇමරිකානු ඩොලර් බිලියන 5න්, MAS Holdings වාර්ෂිකව ඇමරිකානු ඩොලර් බිලියන 2කට ආසන්න ප්රමාණයක් ලංකාවට රැගෙන එන බව පැවසේ.
MAS Holdings හි සේවක කප්පාදුව හා කර්මාන්ත ශාලා වසා දැමීමේ සැලැසුම එම සමාගම වෙනත් රටවල කර්මාන්ත ශාලා ආරම්භ කිරීමට හා වැඩි වශයෙන් කෘතිම බුද්ධිය භාවිතාවට ගැනීමේ පියවරක් ලෙස සිදු කෙරෙන්නක් බවද ඇඟළුම් ක්ෂේත්ර ප්රවීණයෝ කියා සිටී.
මේ සමාගම් සමූහය ආරම්භ කරනු ලැබුවේ මේව විට ප්රකට ව්යාපාරිකයන් බවට පත්ව සිටින මහේෂ් අමලීන් (Mahesh Amalean), ශරාඩ් අමලීන් (Sharad Amalean) සහ අජේ අමලීන් (Ajay Amalean) යන තිදෙනා විසිනි.
